Mooɗ woti

Mooɗ woti markoh ci. Reyaat na jam ŋ siiti « Fiis ciŋ woosuuɗ ci » ngaŋ peɗeem Saafi-Saafi. Ndii, ɗu miniɗ jang, ɗu sikɗuk, ɗu telesarse fiis ciŋ Tawreetiŋ Musaa, fiis ciŋ liiɓohaaɗ moɗiɗ findi Sabuuriŋ Dawuuda, fiis ciŋ woosuuɗ ci ɓinooɓi findi Yunus na fiis ciŋ Injil findi kipes kiŋ Yeesu. E fiis ceem ceɗ na woyse Biibal. Teere laayiɗ nga ca toksuuɗi paaɗ. Ca na hee haye ƴin ƴin.

Ɗu namiɗ min sikɗuk imisong ci na tumohse ŋ raƴo, ca na teeɓohe ini fiis ci tokis. Ɗu hey name hot ŋ ɗooƴ siiti, ɓi taandkoha ne fu kaɗ ŋ ɓi siit wiiriis ci raak ɓi in wiiriis ngaŋ peɗeem Saafi na in ciŋ Kooh.

 

Ɓoo ɓii kiim ɗu, ɗu woo na ɓoo, ne ɓoo inah ini ɗu liiɓ nga. Ɓoo liiɓiɗ ne ɗu hey neɓse ne ɗu rahas lof ciŋ meeksoh ci raakiɗ etoh ci ŋ kipes ki ɗah : ini kaɗ ŋ Kooh, keeh ki, ɗaasoh, waaɗtiɗoh na ɓi in laayiɗ ci na ɓaatɗohe ɓoo, ne ɓoo min raak kipes neɓiɗ.

 

Nikaat ŋ jam ! 

 

Ne fu min waak ŋ ɗooƴ siitii, kilike'a ndii.

Ne fu hot taandkoha ne fu kaɗ ŋ in ciŋ Saafiici, kilike'a ndii.

Ne fu hot taandkoha ne fu kaɗ ŋ Fiis ci ŋ ɓi peɗeem wiiriis, kilike'a ndii.

Partager